У Бруселі 21 і 22 лістапада прайшлі важныя сустрэчы прадстаўнікоў сацыял-дэмакратычных партый і арганізацый з Еўропы і постсавецкіх краін.
21 лістапада адбыліся сустрэчы з прадстаўнікамі сацыял-дэмакратычных партый і арганізацый з Украіны, Грузіі, Малдовы, Арменіі і Беларусі пад назвай «Building Bridges for Social Democracy». Партыю «Народная Грамада» прадстаўляў міжнародны сакратар. У офісе FEPS (Foundation for European Progressive Studies) нашы нідэрландскія партнёры абмеркавалі з сацыял-дэмакратамі з постсавецкіх краін праблемы руху, планы на будучыню і сумесныя праекты.
У Еўрапарламенце прайшла сустрэча з Тобіасам Крэмер, прадстаўніком сацыял-дэмакратычнай партыі Германіі і членам Камітэта па замежных справах. Кіраўнік Еўрапейскай сеткі палітычных фондаў (European Network of Political Foundations) Гары Клаўка прадставіў магчымасці супрацоўніцтва еўрапейскіх арганізацый і палітычных партый з краін Усходняга партнёрства.
22 лістапада адбылася штогадовая сустрэча Еўрапейскага Форуму за дэмакратыю і салідарнасць (European Forum for Democracy and Solidarity). Былі выпрацаваны агульныя падыходы і рашэнні па пытаннях правоў чалавека, правоў жанчын, інклюзіі, змены клімату і міграцыі ў краінах ЕС. Прадстаўнікі розных краін выказалі падтрымку і салідарнасць палітвязням у Беларусі, адзначыўшы мужнасць і нязломную сілу старшыні партыі «Народная Грамада» Мікалая Статкевіча.
About The Author
