Камуніке
Заява з нагоды знікнення Мікалая Статкевіча
– ад спадарыні Малгажаты ГАСЕЎСКАЙ, старшыні, ад імя Бюро Дэлегацыі Еўрапарламента па сувязях з Беларуссю
– ад спадара Томаша ТОБЭ, першага намесніка старшыні, і спадара Міхала КОБОСКІ, другога намесніка старшыні.
Дэлегацыя па сувязях з Беларуссю ў Еўрапейскім парламенце выказвае глыбокую заклапочанасць знікненнем Мікалая Статкевіча, аднаго з найбольш вядомых лідараў апазіцыі і палітычных зняволеных у Беларусі.
Пасля нядаўняга вызвалення з турмы спадара Статкевіча гвалтоўна даставілі на мяжу з Літвой, дзе ён адмовіўся ад дэпартацыі і вырашыў застацца на радзіме. З таго часу яго месцазнаходжанне застаецца невядомым. Адмова беларускіх уладаў раскрыць яго месцазнаходжанне і стан выклікае сур’ёзныя асцярогі, што ён зноў трапіў пад варту.
Гэтая сітуацыя ўяўляе сабой гвалтоўнае знікненне — грубае парушэнне міжнароднага права, як падкрэслівае Amnesty International. Дэлегацыя падкрэслівае, што ўлады Беларусі нясуць поўную адказнасць за жыццё і бяспеку спадара Статкевіча.
Мікалай Статкевіч здаўна сімвалізаваў мужнасць, годнасць і рашучасць беларускага народа ў барацьбе за свабоду. Яго выбар застацца са сваім народам, нягледзячы на гады зняволення і катаванняў, з’яўляецца сведчаннем сапраўднага лідарства і ахвярнасці.
Дэлегацыя заклікае ўлады Беларусі:
– неадкладна раскрыць месцазнаходжанне і стан Мікалая Статкевіча,
– гарантаваць яго бяспеку і свабоду,
-спыніць практыку выкарыстання палітычных зняволеных у якасці разменных манет,
і безумоўна вызваліць усіх, хто знаходзіцца ў зняволенні за рэалізацыю сваіх асноўных правоў.
Мы таксама заклікаем улады Беларусі пакласці канец практыцы гвалтоўнай дэпартацыі былых палітычных зняволеных. Усім грамадзянам Беларусі павінна быць гарантавана права свабодна жыць і працаваць у сваёй краіне. Гэта патрабуе поўнай рэабілітацыі былых палітычных зняволеных, неадкладнага спынення іх пераследу і стыгматызацыі, а таксама прыняцця эфектыўных мер для падтрымкі іх рэінтэграцыі ў грамадства.
Сэрца свабоднай Беларусі працягвае біцца дзякуючы такім людзям, як Мікалай Статкевіч. Яго знікненне — гэта не толькі напад на аднаго чалавека, але і на саму надзею на дэмакратычную Беларусь.
Жыве Беларусь! Long live Belarus!
Для атрымання дадатковай інфармацыі звяртайцеся:
Аддзел Усходняга партнёрства і Расіі, тэл. +32 2 283 26 40 e-mail: [email protected]
Крыніца: https://www.europarl.europa.eu/delegations/en/d-by/documents/communiques
