Аляксей Кірэеў: «Адзін з іх узяў сякеру і стаў моцна сячы вакол маіх пальцаў»

Гісторыі былых палітвязняў ў нечым падобныя адна на адну і ў той жа час унікальныя, бо за кожнай з іх – лёсы людзей, якія ў той ці іншай форме выказвалі пратэст супраць дзеючай улады і парушэнняў правоў чалавека. Адзін з іх — жыхар Мінска, актыўны сябра «Народнай Грамады» Аляксей Кірэеў.

Падзеі 2020 года ён сустрэў з унутраным пад’ёмам. Пасля затрымання лідара партыі Міколы Статкевіча браў удзел у шматлікіх акцыях пратэсту і паслявыбарчых маршах. Ягоная актыўнасць не прыйшлася даспадобы сілавым органам – Аляксея дзесятак разоў затрымлівалі, каралі штрафамі і суткамі.

«Мяне выцягваюць з лазні і клічуць у штаб. Начальнік калоніі паведамляе мне, нібыта я казаў некаму, што збіраюся ў Літву да Ціханоўскай каб расказаць як мяне катавалі. Але такога не было. І не казаў такога, і ў Літву не збіраўся».