Мікалай Статкевіч: Святы на плантацыях

У пазамінулым стагоддзі чорнаскурыя рабы на амерыканскіх плантацыях таксама святкавалі. Не ўпэўнены, што ў іх былі святы свабоды, але ў астатнім усё адбывалася прыблізна вось так.

Па начах рабы збіраліся вакол вогнішчаў у самых глухіх месцах плантацый, адмыслова адведзеных ім наглядчыкамі далей ад вачэй гаспадара. Там яны танчылі, спявалі афрыканскія песні, скакалі праз агонь. І размаўлялі, безумоўна. Пра рознае.

Упэўнены, што некаторыя рабы ўслаўлялі мудрасць гаспадара, дазволіўшага ім святкаваць, і высокачалавечыя якасці наглядчыкаў, якія не разганяюць свята бізунамі. Хаця маглі б.

Некаторыя з танцораў, запамятаўшы пра паўсюдныя вушы наглядчыкаў, крычалі, што гаспадар дае ім святкаваць, бо напалоханы іхнімі мужнымі скокамі. І ў якасці доказаў настолькі падвышалі колькасць святкуючых, што нават самі пачыналі верыць у сваю моц.

Яшчэ каля вогнішчаў абгаворвалі падазроных і небяспечных асоб, якія падбухторваюць да нейкіх патрабаванняў гаспадару альбо да ўцёкаў з плантацыі. Ці, нават страшна падумаць – да паўстання.

Патанчыўшы і паспяваўшы, стомленыя рабы ішлі спаць, каб заўтра зноў пакорліва ўзяцца за працу на гаспадара плантацыі. Але цяпер жыццё здавалася ім не такім ужо і безнадзейным.
Ды толькі самых гаваркіх з іх назаўтра ўжо чакалі бізуны наглядчыкаў.

Беларусь – самая несвабодная краіна Еўропы.

3 thoughts on “Мікалай Статкевіч: Святы на плантацыях

  1. Спадар Статкевіч, калі Вы ўсё ведаеце як што рабіць каб штосці змяніць,устаўце свае веды ў вушы нам,рабам,каб пачалі мы танчыць каля Вашага вогнішча і пад Вашу дудку! Гэта канешне калі Вы здольныя пераламіць менталітэт беларуса сваім бачаннем. А калі не,то й брацца нечага за той гуж,калі ня дуж! Я ўжо неаднойчы казаў што, Ленін на лясных палянах падрыхтаваў народ расеі да зменаў.Які і здзейсніў дзяржаўны пераварот у 17-ым годзе,мінулага ст.!

  2. Уважаемый Аноним! Вы сильно ошибаетесь по поводу Ленина. Революция 17 года застала его врасплох в Швейцарии. Он прямо говорил, что не надеется дожить до российской революции. И уж точно не он ее готовил – она назревала сама.

  3. Александру Карагеоргиевичу… На конт Леніна магчыма,а адносна Статкевіча НЕ. Гэтым параўнаннем ён забіў апошні цвік у крышку гроба сваёй палітычнай дзейнасці! Сам сябе спаліў!

Добавить комментарий

Ваш e-mail не будет опубликован.